भारतको झारखण्डस्थित चतरामा पोखरीमा डुबेर तीन बालिकाको मृत्यु

काठमाडौं । भारतको झारखण्डस्थित चतरा जिल्लामा पोखरीमा डुबेर तीन बालिकाको मृत्यु भएको छ ।

मृत्यु हुनेमा १० वर्षीया विशाखा कुमारी, ८ वर्षीया कीर्तिकुमारी र १० वर्षीया अंशुकुमारी रहेको भारतीय सञ्चार माध्यमहरूले जनाएका छन् ।

घटना चतराको हन्टरगञ्जको वशिष्ठ नगर थाना क्षेत्रको धोबे गाउँको हो। पन्जाब केशरीको समाचारअनुसार तीनै बालिका पोखरीमा नुहाउन गएका थिए । नुहाउने क्रममा डुबेर मृत्यु भएको हो ।

गाउँलेहरूले पोखरीमा तैरिरहेको बालिकाको शव देखेपछि घटना बाहिर आएको हो । घटनाले गाउँभर शोक छाएको छ ।