सहकारी ठगीसम्बन्धी संसदीय विशेष समितिको प्रतिवेदन सार्वजनिक

काठमाडौं । सहकारी ठगी सम्बन्धमा छानबिन गर्न गठित संसदीय विशेष समितिको प्रतिवेदन सार्वजनिक भएको छ । संघीय संसद् सचिवालयले शुक्रवार दिउँसो आफ्नो वेबसाइटमार्फत् प्रतिवेदन सार्वजनिक गरेको हो ।

भदौ ३१ गते प्रतिनिधि सभामा पेश भएको प्रतिवेदन सभामुख देवराज घिमिरेले सोही दिन कार्यान्वयनका लागि सरकारलाई पठाएका थिए । भदौ २ गते बुधवार बसेको मन्त्रिपरिषद् बैठकले प्रतिवेदन कार्यान्वयनमा लैजाने निर्णय गरिसकेको छ ।

समितिले सहकारी ठगीमा गोरखा मिडियाका तत्कालीन प्रबन्ध निर्देशक रवि लामिछानेसहित ४ जनालाई कारबाही गर्न सिफारिश गरेको छ । यस्तै सर्वसाधारणको बचत अपचलन गर्ने सहकारी संचालकको सम्पत्ति रोक्का र जफत गर्न सुझाव दिएको छ ।

https://hr.parliament.gov.np/np/publication/1726814758