द ब्रिटिस कलेजका सीईओलाई ‘एमडी अफ द इयर’ अवार्ड

काठमाडौं । द ब्रिटिस कलेजका प्रमुख कार्यकारी अधिकृत (सीईओ) राजन कँडेललाई एसएमई न्युजले ‘एमडी अफ द इयर’ अवार्ड प्रदान गरेको छ । ब्रिटिस एजुकेसन ग्रुप अन्तर्गतको ब्रिटिस कलेजका संस्थापक समेत रहेका कँडेल ‘एसएमई न्युज आईटी अवार्ड २०२४’ बाट सम्मानित भएका हुन् ।

बेलायतको प्रकाशन गृह एसएमईले वार्षिक रूपमा सकारात्मक परिवर्तनका लागि काम गरिरहेका व्यवसायीलाई अवार्ड प्रदान गर्दै आइरहेको छ । एसएमई न्यूजले उद्यमशीलता क्षेत्रका परिश्रमीहरू योग्य व्यक्तिलाई अवार्ड प्रदान गर्दछ ।

अन्य प्रतिस्पर्धीहरूभन्दा फरक तरिकाले आईटी सोलुसन, डेटा माइग्रेसन तथा आईटी ट्रान्फरमेसन सेक्टरमा काम गर्दै आएका व्यक्तिहरू सो अवार्डका लागि मनोनयनमा परेका थिए ।