मेडिकल कलेज खरिद गर्न समिति

काठमाडौं, ३२ साउन । सरकारले चिकित्सा शास्त्र अध्ययन गराउने आशयपत्र पाएका निजी मेडिकल कलेजको स्वामित्व खरिदका लागि आवश्यक मापदण्ड बनाउन सरकारले समिति गठन गरेको छ । मन्त्रिपरिषद्को बैठकले मुख्य सचिव राजेन्द्र किशोर क्षेत्रीको अध्यक्षतामा शिक्षा र स्वास्थ्य सचिव सदस्य रहने गरी तीन सदस्य समिति गठन गरेको छ ।

२३ दिनदेखि अनसनमा बसेर मंगलबार अनसन स्थगित गरेका डा। गोविन्द केसीको माग सम्बोधन गर्न भन्दै सरकारले मनमोहन मेडिकल कलेजलगायत आशयपत्र प्राप्त मेडिकल कलेज खरिद गर्नेबारे अध्ययन गर्न समिति गठन गरेको सरकारका प्रवक्ता एवम् सूचना तथा सञ्चारमन्त्री मोहन बहादुर बस्नेतले जानकारी दिए ।