अमेरिकी संसदमा इजरायलका प्रधानमन्त्री नेतान्याहुलाई बोलाउने विषयमा विवाद

काठमाडौं । गएको सात महिनादेखि गाजामा हमास र इजरायल लडिरहेका छन् । यस युद्धमा अहिलेसम्म ३० हजारभन्दा धेरै मानिसको मृत्यु भइसकेको छ । दुई पक्षमध्ये अमेरिकाले इजरायललाई साथ दिइरहेको छ । यसैबिच अमेरिकी संसदमा इजरायलका प्रधानमन्त्री बेञ्जामिन नेतान्याहुलाई बोलाउने विषयमा विवाद सुरु भएको छ ।

प्रतिनिधि सभामा रिपब्लिकन नेताले मंगलबार नेतान्याहुलाई सांसदहरूलाई सम्बोधित गर्नका लागि निमन्त्रणा दिने नजिक आफू पुगेको बताएका थिए । तर सिनेटमा डेमोक्रेटिक नेताहरू यसका लागि तयार छैनन् । संसदमा बहुमतका नेता चक शूमरलाई निम्तो पत्रमा हस्ताक्षर गर्न मंगलबारसम्मको समय दिएको प्रतिनिधि सभाका सभामुख माइक जनसनले पत्रकारहरूलाई भने । पत्रमा नेतान्याहुलाई एउटा संयुक्त बैठकलाई सम्बोधन गर्न निम्ता हुनेछ ।

उनले हस्ताक्षर गरेनन् भने पनि आफूहरूले नेतान्याहुलाई निम्तो दिने उनको भनाई थियो । यस विषयमा दुबै दलबिच मतभेदले नोभेम्बरमा हुने राष्ट्रपति निर्वाचनको महिनौँ अघि इजरायलको विषयमा अमेरिकामा राजनीतिक धुव्रीकरणलाई देखाउँछ । यस मामिलामा राष्ट्रपति जो बाइडेनले पूर्व राष्ट्रपति डोनल्ड ट्रम्प विरुद्ध देखिएका छन् ।

प्रकाशित मितिः २०८१ जेठ ०९ बुधबार