उम्मेदवार बन्न पार्टी अध्यक्षको सट्टा प्रदेश संयोजकको हस्ताक्षर चाहिने

काठमाडौं, १२ साउन । नेकपा एमालेले जिल्ला समन्वय समितिको निर्वाचनमा अध्यक्षका उम्मेदवारलाई टिकट दिँदा पार्टी अध्यक्षको अनिवार्य हस्ताक्षर हुने अघिल्लो निर्णय परिवर्तन गरेको छ । कार्यबहाक अध्यक्ष बामदेव गौतमको अध्यक्षतामा आज बसेको एमाले स्थायी समिति बैठकले पुरानो निर्णय परिवर्तन गर्दै अध्यक्षको ठाउँमा प्रदेश संयोजकले गरेको हस्ताक्षरलाई मान्यता दिने निर्णय गरेको छ ।
एमालेले यसअघि जिल्ला समन्वय समितिको निर्वाचनमा उठ्ने अध्यक्षहरुलाई टिकट दिँदा पार्टी अध्यक्ष केपी ओलीको हस्ताक्षर अनिवार्य गरेको थियो । स्थानीय निर्वाचनपछि सबै जिल्लामा जिल्ला समन्वय समिति गठन गर्ने व्यवस्था रहेको छ ।