अर्घाखाँचीमा जिप दुर्घटना, एकको मृत्यु

पाल्पा, ५ साउन । अर्घाखाँचीमा आज जिप दुर्घटना हुँदा एक जनाको मृत्यु भएको छ, अन्य दुईजना घाइते भएका छन् । अर्घाखाँचीको पाणिनी गाउँपालिका अमजाबाट बुटवलका लागि छुटेको लु १ ज १७९५ नम्बरको जिप पटौटीको कुडापानी भन्ने ठाउँमा सडकबाट खसेको प्रहरीले जनाएको छ ।

पाल्पाको रैनदेवी छ्हरा गाउँपालिका वडा नम्बर ४ छहरास्थित धजाबान्नेका अन्दाजी ४० वर्षीय ताराबहादुर खत्रीको उपचारको लागि तानसेन ल्याउदै गर्दा बाटोमै मृत्यु भएको हो । घाइते हुनेमा गाडी धनी लेखबहादुर रास्कोटी र जिपमा सवार अर्घाखाँची मैदानका टीकाबहादुर रास्कोटी छन् । उनीहरुको गम्भीर अवस्थामा युनाइटेड मिसन अस्पताल पाल्पामा उपचार भइरहेको छ ।