७३ दशमलव ६९ प्रतिशत मतदान : निर्वाचन आयोग

काठमाडौं, १५ असार । निर्वाचन आयोगले बुधबार सम्पन्न स्थानीय तह दोस्रो चरणको निर्वाचनमा ७३ दशमलव ६९ प्रतिशत मतदान भएको जनाएको छ। प्रारम्भिक रुपमा ७० दशमलव ५ प्रतिशत मतदान भएको विवरण सार्वजनिक गरेको आयोगले बिहीबार बिहान नयाँ विवरण सार्वजनिक गरेको हो।

प्रदेश १, ५ र ७ मा बुधबार स्थानीय निर्वाचन सम्पन्न भएको थियो। आयोगका अनुसार प्रदेश नम्बर १ मा ७२ दशमलव ४९ प्रतिशत, प्रदेश ५ मा ७५ दशमलव ३४ प्रतिशत र प्रदेश ७ मा ७३ दशमलव ०५ प्रतिशत मतदान भएको छ। आयोगका अनुसार तीनटै प्रदेशका स्थानीय तहमा मतगणना भइरहेको छ।