प्रदेश र संघको चुनाव नभए संवैधानिक र राजनीतिक संकट : नारायणकाजी

संखुवासभा, ९ असार । नेकपा माओवादी केन्द्रका उपाध्यक्ष नारायणकाजी श्रेष्ठले प्रदेश र संघको चुनाव मंसिरको दोस्रो साता भित्र गराइसक्नु पर्ने बताएका छन् । उनले यी दुबै चुनाव नभए संवैधानिक र राजनीतिक संकट हुने बताए ।
संखुवासभाको तुम्लिङटारमा आज नेकपा माओवादी केन्द्रले आयोजना गरेको पत्रकार सम्मेलनमा श्रेष्ठले आगामी माघ ४ गतेसम्म तीनै तहको चुनाव सम्पन्न हुने दाबी गरे ।
उनले तीनै तहको चुनावपछि संवैधानिक संकट टर्ने र संविधान मजवुद हुने दाबी गरे । त्यस्तै उनले राष्ट्रिय जनता पाटी नेपालले पनि असोज २ गते हुने प्रदेश नम्बर २ को स्थानीय चुनावमा भाग लिने दाबी गरे ।