वीर अस्पतालको छतको पर्खाल भत्किँदा चारजना घाइते

काठमाडौं । वीर अस्पतालको पुरानो भवनको छतको पर्खाल भत्किएको छ । पर्खाल भत्किँदा खसेको इँटाले लागेर चारजना घाइते भएका छन्। दुई दिनदेखि परेको पानीले पर्खाल भिजेर छुटेका इँटा खस्दा भवनभित्रको प्यासेजमा हिँडिरहेका सर्वसाधारण घाइते भएका हुन् ।

माथि छतबाट खसेका इँटा जस्तापातामा लाग्दै सर्वसाधारणमाथि खसेको थियो। ती इँटाले लागेर चारजना घाइते भएका हुन्। उनीहरूलाई उद्धार गरेर उपचारका लागि भर्ना गरिएको छ।

प्रकाशित मितिः २०८० बैशाख १७ आइतबार