विश्वकप फुटबलको क्वाटरफाइनलका खेलहरु आजबाट सुरु हुँदै
२३ मंसिर २०७९ ७:२१
काठमाडौं । कतारमा जारी २२ औं संस्करणको फिफा विश्वकप फुटबलको क्वाटरफाइनलका खेलहरु आजबाट सुरु हुँदैछन् ।
आज दुई क्वाटरफाइनल खेलहरु हुनेछन् ।
राति पौने ९ बजे सुरु हुने पहिलो क्वाटरफाइनलमा पाँच पटकको विजेता ब्राजिल र क्रोएसियाबीच प्रतिस्पर्धा हुनेछ ।
आज दुवै टोली जित निकाल्दै सेमिफाइनल पुग्ने योजनामा रहेका छन् ।
प्रि–क्वाटरफाइनलमा ब्राजिलले दक्षिण कोरियालाई ४–१ तथा क्रोएसियाले जापानलाई टाइब्रेकरमा ३–१ ले हराएका थिए ।
यस्तै, दोस्रो क्वाटरफाइनलमा अर्जेन्टिना र नेदरल्यान्ड्सबीच प्रतिस्पर्धा हुनेछ । अर्जेन्टिना र नेदरल्यान्ड्सबीचको खेल राति पौने १ बजे सुरु हुनेछ ।
यी दुवै टोली पनि जित निकाल्दै सेमिफाइनल पुग्ने योजनामा रहेका छन् ।
प्रि–क्वाटरफाइनलमा अष्ट्रेलियालाई २–१ ले हराउँदै अर्जेन्टिना क्वाटरफाइनलमा प्रवेश गरेको हो भने अमेरिकालाई ३–१ ले हराउँदै नेदरल्यान्ड्स पनि क्वाटरफाइनलमा प्रवेश गरेको हो ।
प्रकाशित मितिः २०७९ मंसिर २२ बिहिबार
लोकप्रिय
