बराबरीमा रोकियो रियल

काठमाडौं । प्रि-सिजन टुर अन्तर्गतको मैत्रीपूर्ण खेलमा रियल मड्रिड बराबरीमा रोकिएको छ ।

बुधबार बिहान भएको खेलमा रियलले क्लब अमेरिकासँग २-२ गोलको बराबरी खेलेको हो ।

रियलका लागि करिम बेन्जिमा र इडेन हाजार्डले एक एक गोल गरे ।

क्लब अमेरिकाका हेनरी मार्टिन र अल्भारो फिडाल्गोले एक एक गोल गरे ।

खेलको पाँचौं मिनेटमा मार्टिनले गोल गर्दै क्लब अमेरिकालाई सुरुआती अग्रता दिलाएका थिए ।

तर, खेलको २२ औं मिनेटमा बेन्जिमाले गोल गर्दै रियललाई १-१ गोलको बराबरीमा ल्याए ।

खेलको ५५ औं मिनेटमा हाजार्डले पेनाल्टीमा गोल गर्दै रियललाई २-१ को अग्रता दिलाए ।

त्यसपछि खेलको ८२ औं मिनेटमा अल्भारोले पेनाल्टीमा गोल गर्दै क्लब अमेरिकालाई २-२ गोलको बराबरीमा ल्याएका थिए । एजेन्सी

प्रकाशित मितिः २०७९ साउन ११ बुधबार