भरतपुरमा एमाले उम्मेदवारको ८८० मतको अग्रता

चितवन— भरतपुर महानगरपालिकाको मत गणनामा मेयर पदमा नेकपा एमालेका उम्मेदवार देवी ज्ञवाली २७४९ मतका साथ अग्रता लिएका छन्। माओवादी केन्द्रकी रेणु दाहालले १ हजार ८६९ र राप्रपाका बद्री तिमिल्सिनाले १८४ मत प्राप्त गरेका छन्।

भरतपुरमा वडा नं। १ को मत गणना सकिएर मंगलबार रातिबाट वडा नं। २ को मत गणना सुरु हुँदा एमाले उम्मेदवारले अग्रता अझ फराकिलो पारेका हुन्। उपप्रमुखमा काँग्रेसकी पार्वती शाहले २ हजार २८९ मत पाएकी छिन्। एमालेकी दिब्य शर्मा आचार्यले २ हजार २६६ मत प्राप्त गरेकी छिन्। राप्रपाकी रिना गुरुङले २२३ मत पाएकी छिन् ।