सोमबारका लागि बोलाइएको राष्ट्रियसभा बैठक पुनः स्थगित

काठमाडौं । सोमबार (भोलि) का लागि बोलाइएको राष्ट्रियसभा बैठक पुनः स्थगित भएको छ । संघीय संसदका महासचिव भरतराज गौतमले अर्को सूचना नभएसम्मका लागि बैठक स्थगित भएको जानकारी दिए।

उनका अनुसार राष्ट्रियसभा नियमावली, २०७५ को नियम ६ बमोजिम बैठक स्थगित गरिएको हो । भोलि दिउँसो १ः०० बजेका लागि बैठक बोलाइएको थियो।

यसअघि पुस २७ गते बस्ने भनिएको बैठक स्थगित गरी माघ ३ गतेका लागि बोलाइएको थियो।

प्रकाशित मितिः २०७८ माघ ०२ आइतबार