मन्त्रिपरिषद् बैठक भोलि तीन बजेसम्मका लागि स्थगित

काठमाडौं, २७ चैत । आज बस्ने भनिएको मन्त्रिपरिषद् बैठक फेरि पनि स्थगित भएको छ । आज बस्न नसकेपछि मन्त्रिपरिषद्को अर्को बैठक भोलि दिउँसो तीन बजेका लागि बोलाईएको छ ।
दुई उपप्रधानमन्त्रीको वरीयता विवादले तीन सातासम्म बस्न नसकेको बैठक उपप्रधान तथा गृह मन्त्री विमलेन्द्र निधि वरीयतामा लचिलो भएपछि आजका लागि बोलाईएको थियो । तर पनि आज बैठक बस्न सकेन ।
मन्त्रिपरिषद् कार्यालय स्रोतका अनुसार सरकारले संसदमा दर्ता भएको संविधान संशोधन प्रस्ताव परिमार्जन गर्नेबारे मधेसी मोर्चासँग सहमतिमा पुग्न नसकेपछि आजको बैठक स्थगीत भएको हो ।