आमसभा बिथोल्ने मोर्चाको प्रयास

काठमाडौं १ चैत ।  नेकपा एमालेको मेची महाकाली अभियान अन्तर्गत आज नेपालगन्जमा हुने आमसभामा संयुक्त लोकतान्त्रिक मधेसी मोर्चाका कार्यकर्ताले अवरोधको प्रयास गरेका छन् ।

उनीहरुले सोनपुर र उढरापुरमा कार्यकर्ता बोक्न गएका सवारीलाई रोकेका छन् । एमालेको सभाविरुद्ध मोर्चाले बन्दसमेत आह्वान गरेको छ । सप्तरीमा एमालेको सभा बिथोल्नेक्रममा भएको झडपमा पाँच जनाको मृत्यु भएकाले नेपालगन्जमा सुरक्षा कडा पारिएको छ । ठूलो संख्यामा सुरक्षाकर्मी परिचालन गरिएको छ ।

मोर्चाले अबरोधको प्रयास गरेपछि नेपालगन्जको रामलीला मैदानमा आमसभाको तयारी गरे पनि एमालेले सडक डिभिजन कार्यालयमा सारेको जनाएको छ । सभामा एमाले अध्यक्ष केपी शर्मा ओली, वरिष्ठ नेता झलनाथ खनाल, नेता माधवकुमार नेपाललगायतले सम्बोधन गर्ने तय भएको छ ।