शिवरात्री मनाउँन आएका साधुको लडेर मृत्यु

भक्तपुर, २ फागुन । शिवरात्री पर्व मनाउन केदारनाथको शिर डोलेश्वर महादेव मन्दिरमा आएका एक साधुको लडेर मृत्यु भएको छ । भारत विहार स्थित निवासी वर्ष ५४ का भुजुङ्गा राम साधुको मन्दिर प्राङ्गणमा रहेको शौचालय जाँदा लडेर मृत्यु भएको महानगरिय प्रहरी वृत्त जगातीले बताएको छ । पशुपतिनाथ मन्दिरबाट हिजै मात्र डोलेश्वर मन्दिर पुगेका तीन साधुमध्ये एकको शौचालय जाँदा लडेर मृत्यु भएको मृतक साधुसँगै आएका अन्य दुई साधुले जानकारी दिएको प्रहरीले जनाएको छ । मृतक साधुका साथमा नेपाली सत्र हजार एक सय उनाचालिस रुपैँया र भारु दुई रुपैँया रहेको प्रहरीले जानकारी दिएको छ ।
मृतक साधुको शव पोष्ट मार्टमका लागि शिक्षण अस्पताल महाराजगञ्ज लागिएको प्रहरीले जनाएको छ ।