वैशाख ७ गते राप्रपाको सरकारलाई चुनौती

काठमाडौं ।  राष्ट्रिय प्रजातन्त्र पार्टी (राप्रपा) ले वैशाख ७ गते निषेधित क्षेत्रमा विरोध प्रदर्शन गर्ने निर्णय गरेको छ । हिजो बिहीबार बसेको कार्यसम्पादन समितिको बैठकको निर्णय सुनाउँदै राप्रपाका अध्यक्ष राजेन्द्र लिङ्देनले निषेधित क्षेत्रमा विरोध प्रदर्शन गरिने बताए ।

लिङ्देनले वैशाख ९ गते ७७ वटै जिल्लामा विरोधसभा गरिने पनि बताए । लिङदेनले भने, ‘निषेधित क्षेत्रमा प्रदर्शन गरेर हामी सामूहिक रूपमा थुनामा रहन तयार भएका छौं । राजेन्द्र लिङदेन थुनिन तयार छ ।’ उनले विरोध प्रदर्शन शान्तिपूर्ण नै हुने बताए । राप्रपाले पार्टीका नेताद्वय रविन्द्र मिश्र र डा. धवलशम्शेर राणाको नि:शर्त रिहाइका लागि कानूनी र राजनीतिक संघर्ष गर्ने निर्णय पनि गरेको छ ।