अर्घाखाँचीमा एकनाले भरूवा बन्दुक सहित दुई पक्राउ

अर्घाखाँची । प्रहरीले पाणिनी गाउँपालिका–८ सौराखोलास्थित सामुदायिक जंगलबाट एकनाले भरूवा बन्दुक १ थान, बारूद करिब २ सय ग्राम, छर्रा करिब ७ सय ५० ग्राम, चक्कु १ थान, पिलास १ थान र बन्दुकमा राख्ने क्याप ६ थान सहित २ जनालाई आज (आइतबार) बिहान पक्राउ गरेको छ ।

पक्राउ पर्नेहरूमा पाणिनी गाउँपालिका–८ दाङजा बस्ने ४१ वर्षीय सुरेस कुमाल र २५ वर्षीय कमल कुमाल रहेका छन् ।

प्रहरीले उनीहरूलाई उक्त हातहतियार सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।