घट्यो सुनचाँदीको मूल्य

काठमाडौं । नेपाली बजारमा आज आइतबार सुनचाँदीको मूल्य घटेको छ । शुक्रबारको तुलनामा आज सुन २ सय र चाँदी १५ रुपैयाँले घटेको हो ।

नेपाल सुनचाँदी व्यवसायी महासंघका अनुसार शुक्रबार छापावाल सुनको मूल्य प्रतितोला १ लाख ६० हजार ६ सय रहेकोमा आज २ सय रुपैयाँले घटेर एक लाख ६० हजार ४ सय रुपैयाँमा कारोबार भइरहेको छ ।

त्यस्तै, शुक्रबार तोलाको एक हजार ८ सय ८० रुपैयाँमा कारोबार भएको चाँदी आज १५ रुपैयाँले घटेर तोलाको एक हजार ८ सय ६५ रुपैयाँमा कारोबार भइरहेको महासंघले जनाएको छ ।