रवि लामिछानेलाई काठमाडौं हुँदै पोखरा पुर्‍याइयो

काठमाडौं । पूर्वगृहमन्त्री तथा राष्ट्रिय स्वतन्त्र पार्टी (रास्वपा) सभापति रवि लामिछानेलाई पोखरा पुर्‍याइएको छ । उनलाई बाराको सिमराबाट काठमाडौं हुँदै पोखरा लगिएको हो ।

वीरगञ्जको सानो पाइला बचत तथा ऋण सहकारी संस्थामा बचक हिनामिना गरेको आरोपमा उनलाई बयानका लागि लगिएको थियो । उनलाई बुद्ध एयरको विमानस्थलबाट काठमाडौं ल्याएर पोखरा लगिएको हो ।

पोखराको सूर्यदर्शन सहकारीबाट सुरु भएको रविमाथिको अनुसन्धान रुपन्देही, काठमाडौं, चितवन हुँदै पर्सा पुगेको थियो । पाँच जिल्लामा रहेको सहकारीको रकम हिनामिना गरेको आरोपमा उनी कास्की प्रहरी हिरासतमा छन् ।

उनीसँग पोखराको सूर्यदर्शन, रुपन्देहीको सुप्रिम, काठमाडौंको स्वर्णलक्ष्मी, चितवनको सहारा र पर्साको सानो पाइला सहकारीको बचत हिनामिना गरेको भन्दै प्रहरीले हरेक जिल्लाबाट बयान लिएको हो ।