कैलालीमा चितुवाको छालासहित दुईजना पक्राउ

कैलाली । नेपाल प्रहरी प्रदेश कार्यालय महेन्द्रनगरको सादा पोशाकमा खटिएको टोलीले चितुवाको छालासहित दुई जनालाई पक्राउ गरेको छ ।

सुराकीले दिएको सूचनाका आधारमा सादा पोशाकमा प्रहरी टोलीले धनगढी उपमहानगरपालिका-३ बोराडाडीस्थित होटल रोहन एन्ड रेस्टुरेन्टमा छापामारी चितुवाको छालासहित कंचनपुरको बेतकोट नगरपालिका-७ का ४८ वर्षीय बामदेव जोशी र डडेल्धुराको परशुराम नगरपालिका-१२ जोगबुडाका १७ वर्षीय गोबिन्द भट्टराईलाई नियन्त्रणमा लिएको जनाएको छ ।

प्रकाशित मितिः २०८० साउन १९ शुक्रबार