कोरोना : अमेरिकामा एकै दिन दुई हजार भन्दा माथिको मृत्यु

काठमाडौं। अमेरिकामा एकै दिन कोरोना भाइरसका कारण मृत्यु हुनेको संख्या पहिलोपटक दुई हजार भन्दा माथि पुगेको छ।

जोन हप्किन्स विश्वविद्यालयका अनुसार अमेरिकामा शुक्रबार एकै दिन २१ सय ८ जनाको कोभिड–१९ बाट मृत्यु भएको छ । कोभिड–१९ बाट मृत्यु हुनेको संख्यामा अमेरिका इटाली भन्दा पनि अघि जाने सम्भावना छ ।

अमेरिकामा अहिलेसम्म १८ हजार ७६९ जनाको मृत्यु भएको छ । इटालीमा मृत्यु हुनेको संख्या १८ हजार ८४९ रहेको छ । अमेरिकामा संक्रमितको संख्या पनि पाँच लाख नाखेको छ ।

अहिलेसम्म पाँच लाख एक हजार ४१९ जनामा संक्रमण पुष्टि भएको छ । मृत्यु हुनेको संख्याले नयाँ उचाई लिए पनि विज्ञले अमेरिकामा कोरोना भाइरसको संक्रमण तथा मृत्यु स्थिर भएको र केही दिनमा ओरालो लाग्ने बताएका छन् ।

प्रकाशित मितिः २०७६ चैत्र २९ शनिबार