ब्राजिलमा कोरोनाको संक्रमणका कारण मृत्यु हुनेको संख्या एक हजार

काठमाडौं । ब्राजिलमा कोरोना भाइरसको संक्रमणका कारण मृत्यु हुनेको संख्या एक हजार नाघेको छ । दक्षिण अमेरिकी देश ब्राजिलमा अहिलेसम्म कोरोना भाइरसका कारण कम्तिमा एक हजार ६८ जनाको मृत्यु भएको हो ।

यस्तै १९ हजार ७८९ जनामा संक्रमण पुष्टि भएको छ । ब्राजिलका अधिकांश राज्यका गभर्नरहरुले क्वारेन्टाइनमा बस्नु पर्ने नियम लागु गरेका छन् । तर राष्ट्रपति जायर बोल्सोनारोले भने लगातार त्यसको विरोध गर्दै आएका छन् ।

कोरोना भाइरसको महामारी अहिले नै उच्च तहमा नपुगेको स्वास्थ्य अधिकारीले बताएका छन् । विशेष गरी गरिब इलाकामा महामारी थेग्नै नसक्ने गरी फैलिन सक्ने चेतावनी दिइएको छ ।

प्रकाशित मितिः २०७६ चैत्र २९ शनिबार