अमेरिकामा कोरोना भाइरसबाट एकै दिन १ हजार ७ सय ३६ जनाको मृत्यु

काठमाडौं । अमेरिकामा कोरोना भाइरसबाट एकै दिन मृत्युको संख्या हालसम्मकै उच्च भएको छ । वर्ल्डोमिटरका अनुसार मंगलबार अमेरिकामा कोरोना भाइरसबाट १ हजार ७ सय ३६ जनाको मृत्यु भएको हो । यससँगै अमेरिकामा यो भाइरसबाट मृत्यु हुने मानिसको संख्या १२ हजार ७ सय २२ पुगेको छ ।

यस्तै पछिल्लो २४ घण्टामा अमेरिकामा ३३ हजार ३ सय १९ जना नयाँ संक्रमित फेला परेको अन्तर्राष्ट्रिय सञ्चारमाध्यमहरूले जनाएका छन् ।

योसँगै अमेरिकामा कोरोना संक्रमितको संख्या ४ लाख ३ सय २३ पुगेको छ । संक्रमितमध्ये ९ हजार १ सय ६९ जना संक्रमितको गम्भीर अवस्थामा उपचार भइरहेको छ ।

 २१ हजार ६ सय ७४ जना संक्रमित सफल उपचारपछि घर फर्किएका छन् । हालसम्म अमेरिकामा २० लाख ७५ हजार ७ सय ३९ जनाको मात्रै कोरोना परीक्षण गरिएको छ ।

प्रकाशित मितिः २०७६ चैत्र २६ बुधबार