परीक्षा नियन्त्रक रेग्मी मन्त्रालय तानिए

भक्तपुर, १८ असार । माध्यमिक शिक्षा परीक्षा (एसईई) परीक्षाको परीक्षाफल प्रकाशनमा त्रुटी गर्ने परीक्षा नियन्त्रक अम्बिकाप्रसाद रेग्मी मन्त्रालय तानिएका छन् ।

छानविन समितिले प्रतिवेदन बुझाए लगतै शिक्षामन्त्री गिरिराजमणि पोखरेलले रेग्मीलाई मन्त्रालयमा तान्ने निर्णय गरेका हुन् । रेग्मीको जिम्मेवारीमा पाठ्यक्रम विकास केन्द्रका कार्यकारी निर्देशक कृष्णप्रसाद काप्रीलाई अर्को व्यवस्था नहुञ्जेलसम्मका लागि परीक्षा नियन्त्रकको जिम्मेवारी समेत दिइएको छ ।

परीक्षा नियन्त्रण कार्यालयले हालै सार्वजनिक एसईई परीक्षाको परीक्षाफल त्रुटीपूर्ण पाइएपछि एक दिनपछि सच्याइएको थियो ।