त्रिविले तोक्यो नयाँ शुल्क,

काठमाडौं, २८ चैत । त्रिभुवन विश्वविद्यालयले आगामी शैक्षिक सत्रका लागि नयाँ भर्ना शुल्क निर्धारण गरेको छ । त्रिवि कार्यकारी परिषद्को वैठकले त्रिविले चिकित्साशास्त्रतर्फ स्नातकोत्तर तह (एमडी/एमएस/एमडीएस)को अध्ययनका लागि नयाँ भर्ना शुल्क निर्धारण गरेको हो ।
नयाँ भर्ना शुल्क अन्तर्गत त्रिविले क्लिनिकल तर्फको एमडी/एमएस र एमडीएस तर्फको लागि २२ लाख रुपैयाँ शुल्क निर्धारण गरेको छ । त्यसैगरी, बेसिक साइन्स तर्फका विषयहरुको अधिकतम शुल्क १० लाख निर्धारण गरेको छ ।
एमडीएमएस तहको शुल्क निर्धारण भएसँगै त्रिविले नयाँ भर्ना प्रक्रिया शुरु गर्न सम्बन्धित मेडिकल कलेजहरुलाई पत्र पठाइसकेको छ ।