शैक्षिक हडतालका कारण देशभरका विद्यालय ठप्प

काठमाडौं, २० फागुन । नेकपा निकट अनेरास्ववियु (क्रान्तिकारी) ले आफ्नो नेतालाई पक्राउ गरेको विरोधमा आज शैक्षिक हडताल गरेको छ । शैक्षिक हडतालका कारण देशभरका विद्यालय ठप्प भएका छन् ।
क्रान्तिकारीका उपाध्यक्ष लालबहादुर तामाङले आफ्नो संगठनलाई सरकारले राजनीति गर्न प्रतिबन्ध लगाएको र संगठनका नेतालाई पक्राउ गरेको विरोधमा आज शैक्षिक हडताल गरिएको बताएका छन् ।
सरकारले केही दिनअघि क्रान्तिकारीका महासचिव दीपेन्द्र चलाउनेसहित केन्द्रीय सदस्य सन्तोषी भट्टराई र धनबहादुर नेपालीलाई गिरफ्तार गरेको थियो ।