व्यावहारिक शिक्षामा जोड दिन विद्यार्थीलाई डा. भट्टराईको सुझाव

काठमाडौं, २ फागुन । नयाँ शक्ति पार्टी नेपालका संयोजक डा. बाबुराम भट्टराईले धेरै पढे मान्छेहरु मुर्ख हुन्छन् भन्ने केहि नेताहरुको भनाईमा आफु सहमत नभएको बताएका छन् ।

आज युनिभर्षल टेच र हिसानले संयुक्त आयोजना गरेको कार्यक्रम माइण्ड पावर एण्ड पोसिवालीटी अफ ह्युमन माइण्डको उद्घाटन गर्दै डा. भट्टराईले सो कुरा बताएका हुन् ।

उच्च शिक्षा हासिल गरिरहेका विद्यार्थीहरुलाई आफ्नो भविष्य कसरी माथी लैजाने र आफुले देखेको सपना कसरी पूरा गराउने भन्ने क्षमताको बिकाश गराउने उद्देश्यले आयोजना गरिएको कार्यक्रममा उनले कोर्षका कितावसँगै निरन्तर व्यवहारिक ज्ञान दिने कितावहरु पनि अध्ययन गरे मान्छेले सफलता हात पार्ने बताए ।

प्रत्येक युगको आवश्यकता फरक फरक हुने भन्दै डा. भट्टराईले अहिलेको युगको आवश्यकता आर्थिक संमृद्धि भएको पनि बताए ।