किष्ट अस्पतालका कर्मचारी आन्दोलित

काठमाडौं, ११ पुस । कर्मचारीको आन्दोलनका कारण किस्ट मेडिकल कलेज, ललितपुर केही दिनदेखि अस्तव्यस्त बनेको छ । सेवासुविधा वृद्धिको माग गर्दै कर्मचारीहरु आन्दोलनमा उत्रिएपछि उक्त मेडिकल कलेजको उपचार सेवा प्रभावित हुनुका साथै पठनपाठनमा समेत अवरोध आएको छ । कर्मचारीहरु कर्मचारी सेवा सुविधा माग गर्दै १३ दिनदेखि आन्दोलनमा छन् । आन्दोलनका कारण अस्पतालमा आकस्मिक बाहेकका सबै सेवा ठप्प भएको छ ।
गएको असार २० गते तलब भत्ता वृद्धि गर्नु पर्ने लगायत १५ सुत्रीय माग अनुसार अस्पताल प्रशासनसँग सहमति भए पनि त्यो लागू नभएको भन्दै कर्मचारीले आन्दोलन थालेका हुन् ।