प्रमुखमा राजपाले खाता खोल्यो

धनुषा, ४ असोज । असोज २ गते सम्पन्न भएको तेस्रो चरणको स्थानीय तहको परीणाम आउन थालेको छ । सबभन्दा पहिलो परिणाम राष्ट्रिय जनता पार्टी नेपालको पक्षमा आएको छ । राजपा उम्मेदवारले धनुषाको हंशपुर नगरपालिकाको प्रमुख र उपप्रमुखमा विजयी भएर पहिलो परिणाम आफ्नो पक्षमा ल्याएका हुन् ।
हंशपुर नगरपालिकाको प्रमुखमा रामज्ञान मण्डल ९१ मतको अन्तरले विजयी भएका हुन् । उनले ३ हजार ३२० मत पाए भने निकटतम प्रतिद्वन्द्वी कांग्रेसका प्रदिप यादवले ३ हजार २२९ मत पाए ।
त्यस्तै उपप्रमुखमा रेणु देवी झाले २ सय ४९ मत अन्तरले विजयी भइन् । उनले ३ हजार २७६ मत पाइन् भने निकटतम प्रतिद्वन्द्वी कांग्रेसकी रामकुमारी कामतले ३ हजार २७ मत पाइन् ।