प्रधानमन्त्री देउवा आज स्वदेश फर्किदै

काठमाडौं, ११ भदौ । भारतका समकक्षी प्रम नरेन्द्र मोदीको औपचारिक निमन्त्रणामा ५ दिने भारत भ्रमणमा रहेका प्रधानमन्त्री शेरबहादुर देउवा आज स्वदेश फर्किदै छन् ।
राजनीतिक भेटघाट सकेर थिर्थाटनमा निस्किएका प्रधानमन्त्री देउवा भारतको बोधगया पुगेका छन् । प्रधानमन्त्री देउवाले आज गयास्थित महाबोधी मन्दिर दर्शन गर्ने कार्यक्रम छ । देउवा त्यहाँबाट अपराह्न ३ बजे दिल्ली जाने र दिल्लीबाट आजै साँझ ८ बजे काठमाडौं फर्किने कार्यक्रम छ ।
देउवाले भ्रमणको क्रममा राष्ट्रपति, प्रधानमन्त्री, विदेशमन्त्रीलगायतका नेता र उच्च अधिकारीसँग उच्चस्तरको राजनीतिक भेटघाट सहित थिर्थाटन गर्दै आज स्वदेश फर्किन लागेको हो ।
नेपाल भारतका बीचमा आठबुँदे सहमति भएको छ भने ४६ बुँदे संयुक्त वक्तव्य जारी गरिएको छ ।