वीर अस्पताललाई ३५ लाख सहयोग

काठमाडौं, १२ साउन । शैलकुमार उपाध्याय तथा करेन बस ट्रष्टले वीर अस्पताललाई ३५ लाख आर्थिक सहायता उपलब्ध गराएको छ ।
ट्रष्टले सोमबार एक कार्यक्रमका बीच वीर अस्पताललाई ३५ लाख रुपैयाँ आर्थिक सहायता उपलब्ध गराएको हो । वीर अस्पतालमा भर्ना भएका गरिव समुदायका मानिसहरुको क्यान्सर रोगको उपचार गर्न सहयोग पुगोस भन्ने उद्देश्यका साथ आर्थिक सहायता उपलब्ध गराइएको ट्रष्टले जनाएको छ ।

ट्रष्टकी अध्यक्ष विदुषी राणाले क्यान्सर रोगीहरुको जीवन रक्षाका लागि आर्थिक सहायता उपलब्ध गराइएको बताइन् । स्वर्गीय शैलकुमार उपाध्याय कूटनीतिज्ञ थिए । ट्रष्टले समाज सेवाको क्षेत्रमा काम गर्दै जाने प्रतिवद्धता पनि व्यक्त गरेको छ ।