डाक्टर केसी पुन अनसन बस्दै

काठमाडौं ९ साउन । डाक्टर गोविन्द केसीले फेरि आजबाट अनसन बस्ने भएका छन् । उनले अपराहृन ४ बजे ११ औं अनसन सुरु गर्दैछन् । विगतमा भएका सम्झौता कार्यान्वयनमा सरकारले कुनै चासो नदेखाएपछि अनसन बस्न बाध्य भएको डा केसीको भनाइ छ ।

माग सुनुवाईका लागि हालसम्म पनि सरकारका तर्फ कुनै पनि पहल नएको भन्दै अनसनको विकल्प नभएकाले अनसन बस्न बाध्य भएको बताए। डा केसीले आफ्ना मागहरु पुरा गर्न सरकारलाई असार ३१ गतेसम्मको अल्टिमेटम दिएका थिए ।