नेपाल जेसिसको क्षेत्र ग को दुई दिने सम्मेलन आजबाट भक्तपुरमा सुरु

भक्तपुर, ६ साउन । नेपाल जेसिसको क्षेत्र ग को दुई दिने सम्मेलन आजबाट भक्तपुरमा सुरु भएको छ । भक्तपुर लेडी जेसिसको आतिथ्यता तथा नेपाल जेसिसको आयोजनामा सम्मेलन आज र भोलि गरि दुई दिनसम्म सञ्चालन हुन लागेको हो ।
भक्तपुर लेडी जेसिसको सभापति रञ्जना चापागाईं खर्बुजाले सम्मेलनमा बक्तृव्य कला, गोष्ठीलगायत बिभिन्न साँस्कृतिक कार्यक्रम गरिने बताउनु भयो ।
सम्मेलनमा जेसिसको क्षेत्र ग का रहेका ३२ शाखा लगायत देशभरबाट करीव ४०० जनाको सहभागीता रहने उहाँले बताउनुभयो ।
आजको उद्घाटन कार्यक्रममा नेपाल उद्योग वाणिज्य महासंघका पूर्व अध्यक्ष प्रदिप कुमार श्रेष्ठ, नेपाल जेसिसका केन्द्रीय अध्यक्ष प्रकाश प्रसाद अधिकारीलगायत केन्द्रीय पदाधिकारी तथा शाखाका अध्यक्षहरुको सहभागि रहेको छ ।