आज सुनचाँदीको मूल्य घट्यो

काठमाडौं, २ असार । सुनको मूल्य आज तोलामा २ सय रुपैयाँले घटेको छ । अघिल्लो दिन प्रतितोला ५४ हजार ७ सय रुपैयाँ रहेको सुन आज २ सय रुपैयाँले घटेर ५४ हजार ५ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
त्यस्तै, महासंघका अनुसार चाँदीको मूल्यमा भने ५ रुपैयाँ घटेको छ । अघिल्लो दिन ७ सय ५५ रुपैयाँ प्रतितोलामा कारोबार भएको चाँदी आज ५ रुपैयाँले घटेर ७ सय ५० मा कारोबार भएको छ ।