आयरल्याण्डबाट एसएसडिआरजीलाई सहयोग प्रदान

भक्तपुर, २६ जेठ । आयरल्यान्डमा रहेको ‘द एभरेष्ट नेपाल र काठमाडौं किचन एण्ड दिवाली रेष्टुरेन्ट’ले नेपालमा रहेको अटिजम सम्बन्धीत सामाजिक संस्था र स्कुल तथा पुनःस्थापना केन्द्र एसएसडिआरजीलाई एक लाख ८३ हजार रुपैयाँ सहयोग गरेको छ । द एभरेष्ट नेपालले १ लाख ३६ हजार र काठमाडौं किचनले ४६ हजार रुपैयाँ संस्थाका सञ्चालक सविता उप्रेतीलाई एक कार्यक्रमबीच हस्तान्तरण गरेको हो ।

सहयोग संकलनको संयोजन द एभरेष्ट नेपाल आयारल्याण्डका संयोजक देवराज कोइराला र ईश्वर भण्डारीले गरेको सञ्चालक उप्रेतीले जानकारी दिईन् । नवराज कोइराला र गणेश प्रसाईले पनि सहयोग संकलनमा भूमिका खेलेका छन । नेपालमा बसेर सहयोग अभियानमा भूमिका खेलेका पुष्पराज कोइरालाले सहयोग हस्तान्तरण गरेको उनले बताईन ।