मध्यपुर थिमि नपामा काँग्रेसको अग्रता कायमै

भक्तपुर २ जेठ । मध्यपुर थिमि नगरपालिकामा काँग्रेसको अग्रता कायम नै छ । मध्यपुर थिमि नगरपालिकामा अहिलेसम्म १ हजार ८ मत गणना गरिएको छ । जसमा काँग्रेसका मेयर उम्मेदवार अष्ट कवेंले ८ सय ७७ मत प्राप्त गरेका छन् । त्यस्तै मेयरका प्रत्यासी एमालेका मदनसुन्दर श्रेष्ठले ७ सय ६ मत पाएका छन् । माओवादी केन्द्रकी प्रतिमा श्रेष्ठले ३२ मत पाएको निर्वाचन अधिकृतको कार्यालयले जनाएको छ ।
त्यस्तै, उप मेयरमा काँग्रेसकी अन्जना मधिकर्मीले ८ सय १२, नेमकिपाका केदार खड्काले ४ सय ८५ र माओवादी केन्द्रकी सुचित्रा श्रेष्ठले ४८ मत प्राप्त गरेका छन् ।
यसैगरी, बडा नं. १ को वडा अध्यक्षमा पनि काँग्रेसले नै अग्रता लिएको छ । काँग्रेसका उम्मेदवारले ७ सय ८३, एमालेले ७ सय ७१ र माओवादी केन्द्रले ४० मत पाएका छन् ।