सप्तरी घटनाका बारे तीन वटै सुरक्षा निकायका प्रमुखलाई गृहमन्त्रीले सोधे

स्रोतका अनुसार जवाफमा सुरक्षा निकायका प्रमुखहरुले आफ्नो बचाउ गर्दै यस्ता घटनामा एक्कासी स्थिति भड्किने र सुरक्षाकर्मीले हतारमा निर्णय र कारबाही गर्नुपर्ने कारणले यस्तो स्थिति हुने बताएका थिए। आन्दोलन र भीड नियन्त्रणको सवालमा स्थितिलाई नियन्त्रणमा लिन स्थानीय प्रशासनले घुँडामुनि गोली चलाउन सक्ने व्यवस्था स्थानीय प्रशासन ऐन गरिएको छ। तर पनि यस्ता अधिकांश आन्दोलनमा सुरक्षाकर्मीले चलाएको गोली कम्मरभन्दा माथि नै लागेर प्रदर्शनकारीको ज्यान जाने गरेको छ।

यसैबीच गृह मन्त्रालयले सप्तरी घटनापछि प्रमुख जिल्ला अधिकारी उद्धव तिमिल्सिना, प्रहरी प्रमुख प्रहरी उपरीक्षक दिवेश लोहनी, नायब प्रहरी उपरीक्षक दानबहादुर कार्की र सशस्त्र प्रहरी बलका प्रहरी उपरीक्षक जयबहादुर खड्कालाई मन्त्रालय बोलाएको छ।