बैठक बस्दै नबसी संसद स्थगित

काठमाडौं, ७ पुस । आज बस्ने भनिएको व्यवस्थापिका संसदको बैठक सूचना टाँसेर स्थगित गरिएको छ । बैठक बस्दै नबसी सूचना टाँसेर स्थगित गरिएको हो । अर्को बैठक पुस १० गते दिउँसो १ बजेका लागि बोलाइएको छ । बिहीबारको बैठक पनि १ बजेका लागि बोलाइएको थियो ।
प्रमुख राजनीतिक दलहरुलाई सहमतिका लागि आजसम्मको समय दिएकी सभामुख ओनसरी घर्ति मगरले दलहरु सहमतिमा पुग्न असफल भएपछि संसद बैठक स्थगन गरेको स्रोतले जनाएको छ ।