५२ हजारबाट पनि ओर्लियो सुनको मूल्य

काठमाडौं, १ पुस । आज सुनको मूल्य तोलामा ४ सय रुपैयाँले घटेको छ । हिजो ५२ हजार १ सय रुपैयाँ कारोबार भएको सुन आज ४ सय रुपैयाँले घटेर प्रतितोला ५१ हजार ७ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ । यो मूल्य गत वर्षको माघयताकै सस्तो हो । माघमा भने प्रतितोला ४९ हजार रुपैयाँसम्म सुनको कारोबार भएको थियो ।
त्यस्तै, चाँदीको मूल्य भने २५ रुपैयाँले घटेको छ । हिजो प्रतितोला ७ सय ९० रुपैयाँमा कारोबार भएको चाँदी आज २५ रुपैयाँले घटेर ७ सय ६५ रुपैयाँमा कारोबार भएको महासंघले जनाएको छ ।