चौथो पटक संसद अवरुद्ध

काठमाडौं, २२ मंसिर । आज पनि संसद अवरुद्ध भएको छ । विधान संशोधन विधेयक दर्ता भएको विरोधमा संसद अवरुद्ध गर्दै आएका एमालेसहित ५ प्रतिपक्षी दलले आज पनि संसद बैठक अवरुद्ध पारेका हुन् । संशोधन प्रस्ताव फिर्ताको माग गर्दै संसद अबरोध गरेको यो चौथो पटक हो ।
एमालेसँगै माले, राष्ट्रिय जनमोर्चा, नेमकिपा र नेपाल राष्ट्रिय पार्टीले संविधान संशोधन विधेयक फिर्ता गर्न माग गर्दै संसद बैठक अवरुद्ध गरेका हुन् ।
बैठक सुरु हुनासाथ राष्ट्रिय जनमोर्चाका अध्यक्ष चित्रबहादुर केसीले विशेष समय लिएर बोल्दै ग्रान्डडिजाइन अन्तरगत संशोधन प्रस्ताव आएको भन्दै कुनै हालतमा स्वीकार्य नहुने बताए ।
सभामुख ओनसरी घर्तीले संसद बैठक २४ गतेसम्मका लागि स्थगित गरेकी छन् ।