पोखराको हङकङ बजारमा आगलागी

पोखरा, २५ कार्तिक । पोखराको पृथ्वीचोक नजिक रहेको हङकङ बजारमा हिजो राती आगोलागी भएको छ । उक्त आगलागीबाट करीब ५ करोडको क्षति भएको हङकङ बजार व्यवस्थापन समितिले जनाएको छ ।
राती १० बजेतिर भएको आगोलागीका कारण हङकङ बजारको पूर्व तर्फका २३ वटा सटरमा आगोलागीले क्षती पु¥याएको प्रहरीले जानकारी दिएको छ ।
करिब साढे ३ घण्टा पछि राती साढे १ बजेमात्रै आगो नियन्त्रणमा आएको प्रहरीले जानकारी दिए । नेपाली प्रहरी, सशस्त्र प्रहरी, नेपाली सेना, स्थानीबासिन्दा र दमकल प्रयोग गरि आगो नियन्त्रणमा आएको थियो ।
आगोलागीबाट कति क्षती भयो भन्ने पुर्ण विवरण आइ नसकेको प्रहरीले बताएको छ । लत्ताकपडा, जुत्ता, खाद्य, कस्मेटीक लगायतका पसलमा आगोलागी भएको प्रहरीले जानकारी दिएको छ । आगोलागी विद्युत सट भएर लागेको हुने सक्ने प्रहरीको अनुमान छ ।