काठमाडौं । विश्व स्वास्थ्य संगठन (डब्ल्यूएचओ) का अनुसार आज विश्वभरी नै मुटुसंग सम्बन्धित रोग मानिसको मृत्युको सबैभन्दा ठूलो कारण बनिरहेको छ । यसैबीच, ब्लड ग्रप अनुसार मासिननलाई हृयदघात हुन सक्ने विषयमा एउटा अध्ययन गरिएको छ ।
जुन मानिसको ब्लड ग्रुप ‘ओ’ हुँदैन, उनीहरुमा मुटुको रोग हुने खतरा धेरै हुन्छ भन्ने दावी एउटा नयाँ अध्ययनले गरेको छ । भरखरै गरिएको उक्त सर्वेक्षण अनुसार जुन मानिसको ब्लड ग्रुप ‘ओ’ हुँदैन, उनीहरुमा हृदयघात हुने खतरा धेरै हुन्छ ।
शोधकर्ताहरुले चार लाखभन्दा धेरै मानिसमा सर्वेक्षण गरेको थियो । सर्वेक्षणको नतिजामा जसको ब्लड ग्रुप ए अथवा बी थियो, उनीहरुमा ब्लड ग्रुप ओ हुनेको तुलनामा हृदयघातको खतरा ८ प्रतिशत धेरै हुने पत्ता लाग्यो ।
यस नतिजालाई एउटा अमेरिकन हर्ट एसोसिएशन मेडिकल जर्नल आर्टेरियोस्क्लेरोसिस, थ्रोम्बोसिस र भेस्कुलर बायोलोजीमा प्रकाशित गरिएको छ । सन् २०१७ मा पनि यूरोपियन सोसाइटी अफ कार्डियोलोजीद्वारा एउटा अध्ययन गरिएको थियो, जसमा १३ लाख भन्दा धेरै मानिस सहभागि भएका थिए ।
यस अध्ययनमा नन ओ ब्लड ग्रुप भएका मानिसलाई हृदयघात समेत मुटु सम्बन्धि विभिन्न प्रकारका रोग लाग्ने खतरा ९ प्रतिशत धेरै हुन्छ । एउटा सर्वेक्षणमा सर्वेक्षणकर्ताले ब्लड ग्रुप ए र बीको तुलना ब्लड ग्रुप ओसंग गरे ।
उक्त अध्ययनमा ओ ब्लड टाइपका मानिसको तुलनामा बी ब्लड टाइप भएको मानिसलाई मायोकार्डिअल इन्फ्रक्शन (हृदयघात) को खतरा १५ प्रतिशत धेरै हुने पाइयो । त्यस्तै ब्लड ग्रुप ओको तुलनामा ए ब्लड ग्रुप भएका मानिसलाई हर्ट फेल्योर हुने खतरा ११ प्रतिशत धेरै हुन्छ ।
वास्तवमा हर्ट फेल्योर र हृदयघात दुबै नै मुटुको रोगको रुप हो तर हर्ट फेल्योर विस्तारै विस्तारै हुन्छ भने हृदयघात अचानक हुन्छ । हृदयघात भएको केही समयपछि हर्ट फेल हुने कारण बन्न सक्छ भन्न सकिन्छ ।
यूरोपियन सोसाइटी अफ कोर्डियोलजीका अनुसार ब्लड ग्रुप ओको तुलनामा बाकी ब्लड ग्रुपमा रगत क्लट अथवा रगत चक्का हुने सम्भावना धेरै हुने भएकाले हृदयघात अथवा हर्ट फेल हुने खतरा धेरै हुन्छ ।
सन् २०१७ मा भएको एउटा अध्ययनमा ओ ब्लड ग्रुप बाहेक अर्को ब्लड ग्रुपहरुमा नन भीलब्यान्ड फ्याक्टर (एउटा रगत क्लट बनाउने प्रोटीन) को कन्सेन्ट्रशन धेरै हुन्छ । त्यसैले नन ओ ब्लड ग्रुप भएको मानिसमा हृदयघातको खतरा धेरै हुन्छ ।
सर्वेक्षण अनुसार ब्लड ग्रुप ए र ब्लड ग्रुप बी भएका मानिसमा थ्रोम्बोसिस अर्थात रगत चक्का बन्ने सम्भावना ४४ प्रतिशत धेरै हुन्छ । वास्तवमा रगतको चक्का कोरोनरी धमनीलाई ब्लक गरिदिन्छ र हृदयको मांसपेशिलाई अपक्सजन र पोषक तत्वसंग बञ्चित गरिदिन्छ, जसका कारण हृदयघात हुने सम्भावना धेरै हुन्छ । एजेन्सी
प्रकाशित मितिः २०७७ फागुन २९ शनिबार
Comments