काठमाडौँ। आम रुपमा ड्राइफ्रुट्स नियमित रुपमा खाने प्रचलन छैन । बेलामौकामा पाए खाने गरिएको छ । खासगरी तिहारमा चेलीले माइतीलाई दिने उपहार पनि हो यो । त्यही कारण हामीकहाँ यसलाई भाइमसला पनि भनिन्छ ।
जबकी जाडो याममा शरीरका लागि निकै उपयोगी हुन्छ, ड्राइफ्रुट्स । विभिन्न पोषण तत्वयुक्त ड्राईफ्रुट्सको सेवनले शरीरलाई चिसो लाग्नबाट जोगाउँछ । साथै, शरीरको रोग प्रतिरोधात्मक क्षमता बढाउँछ ।
बदाम सर्वगुणी मानिन्छ । प्रोपटिनयुक्त बदाममा अनेकौ गणु पाइन्छ । यसमा फ्याटी एसिड हुनुका साथै प्रशस्त मात्रामा फाइबर पाइन्छ । बदामले मुटु स्वस्थ्य राख्न मद्दत गर्नुका साथै यसलाई कपालमा तेलको रुपमा तथा अनुहारमा फेस मास्कको रुपमा समेत लगाउन सकिन्छ ।
खाली पेटमा दैनिक ४ वटा बदामको सेवनले मुटु रोगको आंशका कम गर्छ । साथै, दैनिक रुपमा बदामको सेवनले शरीरको कोलेस्ट्रोल कम गर्नुका साथै मुटुलाई स्वस्थ राख्न मद्दत गर्छ ।
त्यतिमात्र होइन, यसले रगतमा हेमोग्लोविनको मात्रा बढाउनुका साथै रक्तसञ्चारलाई नियन्त्रित गर्छ । जाडोमा दैनिक बदाम खानाले रगतमा अल्फा टोकोफेरालको मात्रा बढ्ने गर्छ । यसले उच्च रक्तचापलाई नियन्त्रण गर्न मद्दत मिल्छ । जाडोमा महिनामा यसको सेवनले अनुहार चाउरी पर्न दिदैन र छालामा चमक ल्याउँछ ।
जाडोमा काजु खानु निकै उपयुक्त मानिन्छ । बच्चादेखि बुढासम्मलाई मनपर्ने काजुमा एन्टी एजिङ्ग तत्व, भिटामिन बी लगायतका विभिन्न पोषण तत्व रहेको हुन्छ । जाडो मौसममा दैनिक काजुको सेवन गर्ना अनुहारलाई चाउरी पर्न दिदैन । साथै, अनुहारको छालालाएई ताजा राख्छ । त्यसैले त काजुको लेप बनाएर अनुहारमा समेत लगाउने गरिन्छ ।
त्यस्तै, काजुले शरीरको व्लड कोलेस्ट्रोल तथा व्लड शुगरलाई समेत नियन्त्रित गर्छ । साथै तौल कम गर्न, टाउको दुखेको तथा रक्तचापको समस्या कम गर्न समेत काजु उचित मानिन्छ ।
जाडो मौसममा दैनिक रुपमा ओखर खानाले रोग प्रतिरोधात्मक क्षमता बढ्छ । यसले शरीरलाई संक्रमणबाट जोगाउनुका साथै कयौ विमारीहरुबाट शरीरलाई बचाउँछ ।
ओखरमा ओमेगा ३ फैटी एसिड तथा एन्टीअक्सीडेन्ट तत्व हुने भएकोले यसले शरीरको रक्तसञ्चारलाई मजबुत बनाउँछ । साथै, दिमागलाई तेजिलो बनाउन मद्दत गर्छ । यसको दैनिक सेवनले जाडोमा ब्रेन स्ट्रोक हुनबाट शरीरलाई जागाउँछ ।
नरम र चपाउन सजिलो ड्राइ फ्रुट किसमिसका अनेक फाइदा छन् । किसमिसमा हुने भिटामिन ए, पोटेसियम, म्याग्नेसियम, फस्फोरस र आइरनको भरपूर मात्राले तपाईंलई एनिमियाबाट बचाउँछ । त्यसैले जसलाई पनि नातागत महसुस हुन्छ, उसले दिनमा एक-दुईपटक किसमिसको सेवन गर्नैपर्छ ।
किसमिसले रक्तसञ्चार नियन्त्रणमा राख्न सहयोगय गर्छ । किसमिसको सेवनले आँखालाई हमेशा तरोताजा राख्ने, दाँतको रोगबाट बच्ने तथा त्वचालाई उर्बर राख्नेमा मद्दत मिल्छ ।
ड्राईफ्रुट्समा हुने विभिन्न फलहरुमध्य अंजीर पनि एक हो । जाडोमा दैनिक अंजीरको सेवनले शरीरमा क्यान्सर रोगको जोखिम कम हुने गर्छ । यसमा पाइने एन्टीअक्सीडेन्ट तत्वले शरीरमा क्यान्सर रोगको कोषिका बन्नबाट जोगाउँछ ।
प्रकाशित मितिः २०७७ कार्तिक १६ आइतबार
Comments