काठमाडौं । ज्योतिष शास्त्रमा प्रत्येक तिथिमा जन्म लिनेहरुको अलग अलग फल बताइएको छ। अमावस्या अर्थात् औंसी तिथिमा जन्म लिएका व्यक्तिहरुको फल कस्तो हुन्छ र यसको लागि कस्तो उपाय गर्नुपर्छ? आउनुस् यसबारे जानौं।
ऋषि पाराशरका अनुसार अमावस्या (औंसी) दिन जसको जन्म भएको हुन्छ, त्यस व्यक्तिको जन्मपछि बिस्तारै घरमा दरिद्रता बढ्छ। अत: अमावस्याको दिन सन्तानको जन्म भएको छ भने उचित रीतिले शान्ति गर्नुपर्ने विधान रहेको छ।
ज्योतिष शास्त्र अनुसार कुण्डलीमा जब सूर्य र चन्द्रमा एउटै भाव वा घरमा रहेको छ भने अमावस्या (औंसी) दोष हुन्छ। तर यो दोषले अलग अलग भाव अनुसार अलग अलग फल दिन्छ। जस्तै, प्रथम भावमा सूर्य र चन्द्रमा सँगै रहेका छन् भने उसलाई आफ्नो माता पिताबाट कहिले पनि सुख मिल्दैन वा मतभेद रहन्छ। त्यस्तै दशौं भावमा सूर्य र चन्द्रमा रहनाले जातक शारीरिक रूपले बलियो हुन्छ तर उसले अपमानको सामना गरिरहनुपर्ने हुन्छ।
यो पनि भनाइ छ कि अमावस्या (औंसी)मा जन्मेको बच्चा व्याकुल, अस्थिर, कमजोर आत्मबल भएको, अल्छि आदि हुन्छ र यस्ता व्यक्तिले भविष्यमा स्त्री, पुत्र, कुल, धन आदि सम्बन्धी हानिको सामना गर्नुपर्ने हुन्छ। चन्द्रमाले हाम्रो मन र मस्तिष्कमा आफ्नो पूर्ण प्रभाव र नियन्त्रण राखेको हुन्छ। अमावस्या (औंसी)मा चन्द्रमा कमजोर हुनाले व्यक्ति मानसिक रोगले पीडित हुन सक्छ। उसको मन कमजोर हुने र सधैँ दोधारेपन र अस्थिरता रहन्छ।
अमावस्या(औंसी) दोष निवारणका उपायहरु
सधैं बिहान शुद्ध भएर सूर्यलाई अर्घ दिनुपर्छ।
सूर्य र चन्द्रमासँग सम्बन्धित दान गर्नुपर्छ। जस्तै: गहुँ, रातो र सेतो कपडा, दूध, चामल, खीर, इत्यादि।
शिवको आराधना गर्नुपर्छ र शिवलिंगमा दूध र पानी मिलाएर अभिषेक गर्नुपर्छ वा पूर्णिमाको व्रत गर्नुपर्छ।
प्रकाशित मितिः २०८० असार ०४ सोमबार
Comments