वीरगञ्ज । वीरगञ्जमा थप एकजनाको कोरोना संक्रमणका कारण मृत्यु भएको छ। वीरगञ्ज महानगरपालिका १२ का ६० वर्षका पुरुषको शुक्रबार राति संक्रमणका कारण मृत्य भएको कोरोना अस्थायी अस्पताल गण्डकका संयोजक डाक्टर उदय नारायण सिंहले जानकारी दिए।
कोरोना संक्रमण पुष्टि भइ अस्थायी कोरोना विशेष अस्पतालमा उपचार गराइरहेका उनको शुक्रबार राती करिब ८ बजे मृत्यु भएको सिंहले बताए ।
प्यारालाइसिस, मधुमेहका समेत बिरामी रहेका उनी कोरोना संक्रमण पुष्टि भइ गत साउन २७ गते उपचारको लागि अस्पतालमा भर्ना भएका थिए ।
यो सँगै वीरगञ्जमा हालसम्म कोरोना संक्रमणका कारण २६ जनाको ज्यान गएको छ । जस मध्ये पर्साका १९, बाराका ५,रौतहटका एक र परिचय खुल्न नसकेका एक जना रहेका छन्।
प्रकाशित मितिः २०७७ साउन ३१ शनिबार
Comments