काठमाडौं । कोरोना भाइरसको संक्रमण देखिएपछि उपत्यकाका २५ वटा ठाउँ सिल गरिएका छन् । कोरोना भाइरसको संक्रमण उपत्यकामा फैलिँदै गएपछि उपत्यका मुख्य ठाउँहरु असन, न्युरोड, रञ्जना गल्ली, भोटाहिटी, इन्द्रचोक लगायतका ठाउँमा सिल गरिएको काठमाडौं महानगरपालिकाका प्रवक्ता इन्द्रमान डङ्गोलले बताए ।
‘उनका अनुसार काठमाडौंका कोर ठाउँहरू कोरोनाभाइरसको संक्रमण देखिएपछि अहिले सिल भएको अवस्था छ ।काठमाडौं महानगरपालिकाको २१ नम्बर वडा भोटेबाहाल, लगनटोल, कुमारीगल भोसेको , ओटो, गुँचाटोल र २७ नम्बर वडाको भोटाहिटी, न्युरोड सबै, इन्द्रचोक, मखन टोल लगायतका ठाउँहरू पनि कोरोनाभाइरसको संक्रमण देखिएपछि सिल गरिएको छ ।
सिल गरेको ठाउँमा अत्यावश्यक कामबाहेक अन्य कसैलाई पनि आवतजावत गर्न रोक लगाइएको छ । साथै संक्रमित भएको क्षेत्रका अन्य व्यक्तिहरूमा पनि कोरोना भाइरसको परीक्षण भैरहेको प्रवक्ता डंगोलले बताए ।
प्रकाशित मितिः २०७७ साउन ३० शुक्रबार
Comments