काठमाडौँ । मोटरसाइकलको ठक्करबाट मोरङको बुढीगंगा गाउँपालिका–४ मा एकजना साइकल यात्रीको मृत्यु भएको छ ।
मृत्यु हुनेमा भोजपुर घर भई बुढीगंगा–४ मा डेरा गरेर बस्ने ३४ वर्षीय लोकबहादुर खड्गी रहेका छन् ।
सोमबार बिहान उत्तरबाट दक्षिणतर्फ आउँदै गरेको को २८प२९०७ नम्बरको मोटरसाइकलले ठक्कर दिँदा खड्गीको उपचारका क्रममा विराट टिचिङ अस्पतालमा मृत्यु भएको हो ।
बाटो काट्ने क्रममा मोटरसाइकलले साइकललाई ठक्कर दिएपछि दुर्घटना भएको मोरङ प्रहरीले जानकारी दिएको छ ।
प्रहरीले मोटरसाइकल र चालक सुनसरी सोनापुरका २६ वर्षीय विष्णु चौधरीलाई नियन्त्रणमा लिएर घटनाको अनुसन्धान सुरु गरेको छ।
प्रकाशित मितिः २०७६ असार २३ सोमबार
Comments