काठमाडौं । काठमाडौं उपत्यकामा आज थप १ हजार ३८४ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार उपत्यकामा आज कूल १ हजार ३८४ जनामा कोरोना भाइरस संक्रमण देखिएको हो ।
आज काठमाडौंमा ८९७ जना, भक्तपुरमा १८८ जना र ललितपुरमा २९९ जनामा संक्रमण देखिएको हो ।
पछिल्लो विवरण अनुसार काठमाडौंमा मात्रै सक्रिय संक्रमितको संख्यामा १३ हजार ९६७ रहेको छ । काठमाडौंमा हालसम्म निको भएकाहरुको संख्या १ लाख ७७ हजार १३९ रहेको छ भने १ हजार ६७८ जनाले ज्यान गुमाएका छन् । यो सहित हालसम्म काठमाडौंमा मात्रै कोरोना संक्रमितको संख्या १ लाख ९२ हजार ७८४ पुगेको छ ।
त्यस्तै, भक्तपुरमा मात्रै सक्रिय संक्रमितको संख्यामा ४ हजार ४८ रहेको छ । भक्तपुरमा हालसम्म निको भएकाहरुको संख्या १६ हजार २४३ रहेको छ भने ३३१ जनाले ज्यान गुमाएका छन् । यो सहित हालसम्म भक्तपुरमा मात्रै कोरोना संक्रमितको संख्या २० हजार ६२२ पुगेको मन्त्रालयको तथ्यांकमा उल्लेख छ ।
यसैगरी, ललितपुरमा मात्रै सक्रिय संक्रमितको संख्यामा ५ हजार ६०९ रहेको छ । ललितपुरमा हालसम्म निको भएकाहरुको संख्या २८ हजार ४४५ रहेको छ भने ४६४ जनाले ज्यान गुमाएका छन् । यो सहित हालसम्म ललितपुरमा मात्रै कोरोना संक्रमितको संख्या ३४ हजार ५१८ पुगेको छ ।
प्रकाशित मितिः २०७८ जेठ २१ शुक्रबार
Comments